Хайнань аралында коронавирустың таралуына байланысты енгізілген локдауннан 80 мыңнан астам турист қамалып қалды, - деп хабарлады ҚазАқпараттың Қытайдағы меншікті тілшісі. Аралдағы Санья қаласында локдаун 6 тамыздан бастап енгізілген. 80 мың туристің шамамен 32 мыңы қонақүйлерде қамалып отыр.
Олар коронавирусқа қарсы ПТР-тесті жеті күн ішінде тапсырғаннан кейін ғана ол жерден кете алады. Осы жағдайға байланысты қаладағы қонақүйлер бағасы 50 пайызға дейін арзандатылған.
Жергілікті БАҚ хабарлауынша, 6 тамызда Санья қаласындағы халықаралық әуежайда 333 рейс кейінге қалдырылған және теміржол пойыздарына билет сату тоқтатылған.
