Ішкі істер министрлігі жыл басынан бері Қазақстаннан ЖСН алған шетелдіктер туралы мәліметті жариялады. ІІМ мәліметінше, жыл басынан бері Қазақстанда шетелдіктер 198 806 ЖСН рәсімдеген, – деп жазады Tengrinews.kz. ЖСН алғандардың ең көбі: Өзбекстан – 91 454, Ресей – 74 371, Тәжікстан – 7896, Қырғызстан – 4470, Украина – 1520. Қазақстандағы шетелдіктерге ЖСН мынадай мақсатта қажет: – жұмысқа орналасу; – Қазақстанда есеп айырысу шотын тіркеу; – мүлікті тіркеу; – мемлекеттік қызметтерді алу және т.б. Сондай-ақ, көші-қон заңнамасын бұзғаны үшін 40 831 шетелдік әкімшілік жауапқа тартылды. Сот шешімі бойынша, 3 519 шетелдік елден шығарылған. Оларға бес жылға дейін елге кіруге тыйым салынды.