«Жер аманаты» комиссиясының «жедел желісіне» 1 мыңға жуық өтініш келіп түсті

«Жер аманаты» комиссиясының «жедел желісіне» 1 мыңға жуық өтініш келіп түсті
Фото: gorod-ust-labinsk.ru

«Жер аманаты» комиссиясының «жедел желісіне» жер мәселелері бойынша 985 өтініш келіп түсті. Оның барлығы өңірлік комиссиялардың қарауына берілді.

«Бүгінде ауыл шаруашылығы мақсатындағы жер тапшылығы мәселесі өзекті проблема болып отыр. Партияның мобильді қоғамдық қабылдауы ел аралаған кезде өңір тұрғындары осы мәселелерді көтерді. Бір айда «Жер аманаты» комиссиясының «жедел желісіне» жер мәселелері бойынша 985 өтініш келіп түсті. Көбінесе бұл өтініштер жайылым жер бөлу мәселесіне – 62%, шалғайдағы жайылымдар мен жер учаскелерін алу кезінде көмек көрсетілуіне  28% қатысты болды», – деді «AMANAT» партиясы Республикалық қоғамдық қабылдау бөлмесінің меңгерушісі Әлия Садырбаева.

 

«Жер аманаты» комиссиясының «жедел желісіне» 1 мыңға жуық өтініш келіп түсті

7 шілдеде «Жер аманаты» комиссиясының жер мәселелері жөніндегі «жедел желісі» іске қосылған болатын. Осылайша, қазақстандықтар барлық заң бұзу фактілері туралы 8 800 080 44 41 телефоны бойынша хабарлай алады. Өтінімдер WhatsApp арқылы да + 77008004441 нөмірі бойынша қабылданады.

«AMANAT» партиясы Республикалық қоғамдық қабылдау бөлмесінің ақпаратына сәйкес, жер мәселелеріне қатысты өтініштердің басым көпшілігі Түркістан (53,1%), Шығыс Қазақстан (17%), Ақмола (8,3%) және Павлодар (8,3%) облыстарының тұрғындарынан келіп түсті.

Айта кету керек, «Жер аманаты» комиссиясы жұмысының нәтижесінде мемлекет меншігіне еліміз бойынша 293,2 мың гектар жайылым жер қайтарылды.

Атап айтқанда, Қарағанды облысында – 82 мың гектар, Қостанай облысында – 67,1 мың гектар, Жамбыл облысында – 46,3 мың гектар, Жетісу облысында – 41,9 мың гектар, Ақтөбе облысында – 20 мың гектар, Түркістан облысында – 17 мың гектар, Солтүстік Қазақстан облысында – 18,9 мың гектар.

«Жер аманаты» комиссиясының жұмысы жалғасуда.

Aikyn.kz | Бүгінгі жаңалықтар. Әлем және Қазақстан жаңалықтары.