Агенттік Арыстанбек Мұхамедиұлы министр кезінде 7 миллиард теңге жымқырғанын хабарлады
Агенттік Арыстанбек Мұхамедиұлы министр кезінде 7 миллиард теңге жымқырғанын хабарлады
Фото: tobolinfo.kz
Сыбайлас жемқорлыққа қарсы қызмет Ұлттық музейдің директоры Арыстанбек Мұхамедиұлы мен басқа да тұлғаларға қатысты бюджет қаражатын аса ірі мөлшерде ұрлау және лауазымдық өкілеттіктерді теріс пайдалану фактілері бойынша тергеу жүргізіп жатыр, – деп хабарлайды Aikyn.kz. Тергеу «Алтын адамның әлем мұражайлары бойынша шеруі» халықаралық көрмесін өткізуге, сондай-ақ «Қазақстанның ұлттық киелі нысандары мен музей қорларын жалпымемлекеттік фотограмметриялық 3D-сканерлеу» және «Қазақстан Республикасының Ұлттық цифрлық киноколлекциясын цифрландыру» жобаларына бөлінген бюджет қаражатын ұрлау фактілері бойынша жүргізілуде. Бұдан басқа, А.Мұхамедиұлының мәдениет және спорт министрі лауазымында болған кезінде туыстарының және үлестес тұлғаларының меншігіне «Су және қолданбалы спорт түрлері бойынша Республикалық жоғары спорт шеберлігі мектебі» РМҚК, «Қазақ энциклопедиясы» АҚ және «Қазақ ғылыми-зерттеу мәдениет институты» ЖШС заңсыз беруге қатыстылығы тексеріліп жатыр. Тергеліп жатқан қылмыстық істер бойынша мемлекетке келтірілген залалдың алдын ала сомасы шамамен 7 миллиард теңге. А.Мұхамедиұлының қамауда ұстау мерзімі 4 айға дейін, яғни биыл 26 қыркүйекке дейін ұзартылды. Тергеу жалғасып жатыр.