Әлем чемпионы Жәнібек Әлімханұлы Мемлекет басшысының құттықтау жеделхатына жауап берді. «Құрметті Қасым-Жомарт Кемелұлы, құттықтау жолдап, қанаттандырғаныңызға көп рақмет. Жаңа Қазақстанның жаңа әлем чемпионы атанып, қазақ елін қуантқаныма қуаныштымын", – деп жазды чемпион. Ол 4 жыл бұрын тарих жасаймыз деп Америкаға аттанғанын еске салады.
"Бүгін, міне WBO-ның әлем чемпионы титулын алған тұңғыш қазақ атандық! Қазір әлемдік спорт журналистері QAZAQ STYLE туралы жарыса жазып жатыр! Біз енді бастадық! Бұйыртса, төрт салмақта әлем чемпионы атанамыз! Әлемге QAZAQ STYLE-дың ерекше әлі мықты стиль екенін паш етеміз, тарихта қалдырамыз!» – деп жазды былғары қолғап шебері. Айта кетейік, бұдан бұрын Президент Қасым-Жомарт Тоқаев Жәнібек Әлімханұлын құттықтаған болатын.