Ішкі істер министрлігіне қарасты кәсіпорын басшысы пара алып жатқан кезде ұсталды
Ішкі істер министрлігіне қарасты кәсіпорын басшысы пара алып жатқан кезде ұсталды
Фото: news.kazpravda.kz
Ішкі істер министрлігіне қарасты кәсіпорын басшысы парамен ұсталды. Бұл туралы Сыбайлас жемқорлыққа қарсы іс-қимыл агенттігі хабарлады. Солтүстік Қазақстан облысы бойынша Сыбайлас жемқорлыққа қарсы қызмет ҚР ІІМ ҚАЖК «Еңбек» ШЖҚ «Еңбек-Қызылжар» РМК филиалында жемқорлықтың жолын кесті. Биыл 23 тамызда мемлекеттік сатып алу туралы шарт бойынша сотталғандар үшін азық-түлікті қабылдау-тапсыру актісіне кедергісіз қол қойғаны үшін осы мекеменің басшысы жеке кәсіпкерден пара алған кезде ұсталды. Күдікті Петропавл қаласының УҰИ-на қамалды. Кінәнің толық танылуын және сотқа дейінгі жеделдетілген тергеп-тексеруді жүргізу туралы келіп түскен өтінішхатты ескере отырып, тергеу соты оған қатысты үйқамақ түріндегі бұлтартпау шарасын таңдады. Басшының кінәсін сот анықтайды. Өзге ақпарат тергеу мүддесінде жария етуге жатпайды.