Білім және ғылым вице минситрі Мирас Дәуленов Қазақстан ЖОО-дарында оқитын Өзбекстан азаматтарының жаппай өз елдеріне қайтуына қатысты пікір білдірді. Ол Facebook-тегі парақшасында арнайы жазба қалдырған.
"Соңғы уақытта еліміздің жоғары оқу орындарында оқитын Өзбекстан азаматтарынан өзбекстандық жоғары оқу орындарына ауысу туралы өтініштер түсе бастағаны баршаңызға мәлім. Олардың бұндай шешім қабылдауларының себебі Өзбекстан елшілігінің өкілдерімен кездесу барысында айқындалды. Бұл жағдай, ең алдымен, Өзбекстанда жоғары білімге қол жеткізу мүмкіндігінің артуына байланысты туындап отыр. Қолдағы ақпаратқа сүйенсек, өзбекстандық студенттер тек біздің елден ғана емес, сонымен қатар, бірқатар шекаралас елдердің жоғары оқу орындарынан да өздерінің тарихи отандарына ауысып жатыр.
Қазіргі таңда әлемде халықтың басым бөлігінің жаппай жоғары білім алуға ұмтылу үрдісі байқалады. Барлық жерде академиялық ұтқырлық бойынша кедергілер жойылуда. Туындап отырған жағдай қазақстандық жоғары оқу орындарына кері әсер етпейтін табиғи процесс болып табылады. Қазақстанда 2017 жылы студенттерді шетелдік жоғары оқу орындарынан отандық жоғары оқу орындарына ауыстыру кезінде кешенді тест тапсыру талабы алынып тасталғанын естеріңізге саламын. Аталған шараның нәтижесінде тек 2017 жылдың ішінде 37 мыңнан астам студент Қазақстанның жоғары оқу орындарына ауысу мүмкіндігіне ие болды", – деп жазады вице-министрhttps://www.facebook.com/m.daulen/posts/10157632702659927