137 түлек грантынан айырылды

грант

Биыл ҰБТ-ны 154 мың қазақстандық тапсырды. Емтихан қорытындылары шығарылғанымен, Ұлттық тестілеу орта­лығында бейнежазбаларды тексеру әлі де жалғасып жатыр.

Ұлттық тестілеу орталығының ди­рек­торы Руслан Емелбаев бейне­жазбаларды қарап шыққаннан кейін 153 тест тапсырушының нәтижесі жойылғанын, оның 137-сі білім грантының иегерлері екенін айтты.

«Біз қазірдің өзінде тиісті шара­лар қабылдадық және олардың грант туралы куәліктері жарамсыз деп танылды», – деді ол.

Сонымен қатар орталық бас­шы­сы атап өткендей, аталған фактілер бойынша қызметкерлерге қатысты қызметтік тексерулер жүргізіліп жа­тыр.

«Биыл 327 түлек тестілеуге кіргізу кезінде тыйым салынған заттарды алып өтуге тырысқандықтан, ҰБТ тапсыру мүмкіндігінен айырылды. Ережелерді бұзғаны үшін тестілеу кезінде аудиториядан 322 адам шы­ғарылды», – деді Руслан Емелбаев.

Айта кетейік, биыл түлектердің 33 пайызы ҰБТ-да шекті балды жинай алмады. Орташа нәтиже – 66 балл, ал ең жоғары көрсеткіш – 139 балл. Ең төмен нәтижені Маңғыстау, Түркістан және Атырау облыстары көрсетті.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.