Австралияда композитор, Triplex жобасының мүшесі және «Бригада» сериалының саундтрегінің авторы Андрей Иванов қайтыс болды, – деп жазады «РИА Новости». Дереккөздің жазуынша, музыкант Сиднейде Бондай Бич жағажайының маңында жартастан құлап, көз жұмған. Андрей Иванов – электронды музыканы орындайтын ресейлік Triplex тобының құрылтайшыларының бірі. Ұжым 1992 жылы жұмысын бастады. «Катапульта» альбомын, «Баскервиль төбеті» композициясын және ремиксін шығарды. 2000 жылдары Triplex фильмдерге және телесериалдарға, мысалы, «Коллекционер», «Бой с тенью» және тағы басқа кинокартиналарға әуен жазумен танымал болды. 2003 жылы «Бригада» телехикаясына шығарылған саундтрек жылдың ең үздік рингтоны ретінде MTV Ресей сыйлығын алды.