Шабдалы еккен шаруа

шабдалы

Жамбыл облысы Жамбыл ау­данында тұратын бағбан Көшкін­бай Құлманбетов шаб­далы өсіріп, одан бір­неше түрлі өнім алып жүр.

Негізі, бұған дейін шабдалы жемісі Жамбыл жерін жерсінген емес. Кәсіпкер Түркиядан «Марс» атты сұрыпты былтыр әке­­ліп, аймақта алғашқылардың бірі болып шабдалы шаруашы­лығын жандандырып отыр. Түрік тұқымының өзге шабдалыдан ерек­­шелігі – жемісі екі есеге дейін үлкен болады. Өнімділігі де өте жоғары. Шаруаның ай­туын­ша, тұқымды бірнеше ке­зең­дік зерт­теуден кейін то­пы­раққа отыр­ғыз­ған екен. Және жемісін екі жы­лдан кейін береді деп күт­кенімен, бір жыл өткенде-ақ мол өнім алып отыр.

– Біздің өңір үшін таңсық жеміс болғаннан кейін шабдалы шаруашылығын көп ойланып қолға алдым. Шындығына кел­генде, жемісін келер жылы бе­руі керек болатын. Алайда биыл бойы аласа болса да, өнім бер­е бастады. Негізі, шабда­лы­ның үш түрін отырғызған­мын. Қазір бойы 2 метрге жуық­таған жеміс ағаштары 25-30 келіден өнім беріп жатыр. Жиналған же­міске сұраныс та көп. Бұйырт­­­са, ке­лер жылы гектары­нан 30 тон­наға дейін өнім алсақ деп отырмыз, – дейді Көшкін­бай Байсарұлы.

Тың кәсіп түрін түлеткен бағ­бан піскен жемісті жинап сату­мен шектеліп қалмай, одан түрлі өнім алуды да жоспарлап жүр. Ол алдағы уақытта шабдалы шыры­ны, шабдалы тосабы және шаб­далы джемін өндіруден ниетті.

– Қазір өңдеу цехын дайын­дап жатырмыз. Жобаның сме­талық құнын әзірлеп, Польша мемлеке­тімен келі­сім­шартқа отыр­дық. Сәтін салса, өзі­міз­дің шаб­да­лы­мыз ғана емес, одан шығарылатын өнім түрлерін де тұтынатын күн жақын, – дейді шаруа.

Кәсіпкер 3,5 гектар жерге шабдалыдан бөлек 16 гектарға алша, 50 гек­тарға алма ағашын отырғызып, өнім алып жүр. Жал­пы шаруашылық 30 адамды тұ­рақты жұмыспен қамтып отыр­са, маусымдық кезеңде 70-ке жуық тұрғын дала жұмыстарына тар­тылады. Жеміс ағаштары толық­тай өскенде жұмысшы­лар санын 100 адамға жеткізу жоспарында бар.

Өз кезегінде жергілікті билік 2 мың тонналық жеміс сақтайтын мұздатқыш алуға несиемен кө­мек қолын созған.

– Облыс әкімдігінің Ауыл шаруашылығы басқармасының қолдауымен тоңазытқыш алуға 6 пайыздық мөлшерлемемен не­сие берілді. Одан бөлек, егістік ал­қа­­бына тамшылатып суғару тех­но­логиясы да енгізілді. Бұл құ­рыл­­ғыны қолданғаны үшін ша­руа­­ның шы­ғы­нының 25 па­йы­зын мемлекет өтеп береді. Осы­лайша, біз өз тірлігін дөңге­летіп отырған шаруаларға ба­рын­ша қолдау көрсетудеміз. Егер кә­сіп ашамын деушілер болса, әкімдік көмегін аянып қалмайды, – дейді Жам­был ауданының әкімі Ерлан Қыдыралыұлы.

Бағбан Көшкінбай Бай­сарұлындай кәсіпкердің тірлігі көпке үлгі. Тәуекел етіп, кәсіптің тың түріне ден қойған шаруаның шабдалы мен одан түрлі өнім алудағы жоспарын толықтай жүзеге асырарына сенеміз.

Жамбыл облысы

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.