Абай облысы Жарма ауданында 40 гектар шөп өртеніп жатыр.
Абай облысы әкімдігі баспасөз қызметінің мәліметіне сүйенсек, Жарма ауданы Шалабай ауылдық округінде ашық алаңда өрт шықты.
«40 гектар аумақта шөп жанды. Оқиға орнында өрт сөндірушілер мен жергілікті атқарушы орган қызметкерлері жұмыс істеп жатыр. Қалбатау ауылынан 1 автобус адам жолға шықты. Жарма аудандық ТЖБ бастығының міндетін атқарушы да оқиға орнында жүр» делінген ақпаратта.
Сонымен қатар, Бесқарағай ауданында да екі өрт шыққан. Бір от ошағы сөндірілсе, екіншісі оқшауланды.
Облыс әкімі Нұрлан Ұранхаев шұғыл түрде жедел штаб отырысын өткізді. Ол ТЖД басшылығына жағдайды бақылауда ұстап, қосымша техника жіберуді тапсырды.
