«Қазгидрометтің» мәліметінше, демалыс күндері солтүстік-батыс циклон Қазақстанның батыс өңіріне әсер етеді. Содан кейін циклон шығыс пен елдің өзге де аумағына ауысады. Соның әсерінен жаңбыр жауады.
25 қыркүйекте батыста, 26 қыркүйекте солтүстік-батыста және солтүстікте жаңбыр жауып, найзағай ойнап, жел күшейіп, бұршақ жауады. Келесі аптаның басында Солтүстік Қазақстан облысында жауын-шашын күтіледі. Қазақстанның оңтүстік-шығысында тек таулы және тау бөктеріндегі аудандарда өткінші жаңбыр жауады.
Республиканың басым бөлігінде ауа температурасы төмендейді. Еліміздің батысында күндіз 22-33 градустан 9-22 градусқа дейін, солтүстік-батыста 25-32 градустан 10-23 градусқа дейін, солтүстікте 23-30 градустан 5-20 градусқа дейін, орталықта 22-32 градустан 20-28 градусқа дейін, Қызылорда облысында 30-35 градустан 17-25 градусқа дейін жылы болады. Елдің оңтүстік-шығысы мен оңтүстігінде ауа температурасы 25-35 градус жылы болады.
