«Кеңестің халықаралық ынтымақтастығы медициналық ғылым мен практиканың өзекті мәселелерін шешуде үкіметаралық ұйымдардың, жекелеген медициналық мекемелер мен мамандардың күш-жігерін біріктіру мақсатында Денсаулық сақтау мен медицина проблемаларының кең спектрін қамтитынын атап өткен жөн. Біздің халықаралық әріптестеріміз – дәстүрлі түрде Парламентаралық Ассамблея, ДДСҰ, ЮНЕСКО, ЕЭК және ТМД-ның басқа да ұйымдары», – деді министр.Сондай-ақ ол кеңестің COVID-19, туберкулез және инфекциялық ауруларға қарсы күрестің бірыңғай өңірлік жүйесін қалыптастыру, онкологиялық патологиясы, қант диабеті бар пациенттерге медициналық көмек көрсетуді ұйымдастыру, трансфузиологиялық көмекті дамыту және электронды денсаулық сақтауды дамытудағы жұмысының маңызын атап өтті. Сонымен қатар А.Ғиният COVID-19-ға қатысты жағдай электронды денсаулық сақтау мен телемедициналық коммуникацияларды дамыту бойынша өзара іс-қимыл туралы шешімнің дұрыстығын растағанын да жеткізді.
«Электронды денсаулық сақтауды дамыту – жақын болашаққа арналған стратегиялық мақсат. Осыған байланысты электронды денсаулық сақтаудың ұлттық жүйелерін одан әрі дамыту және ТМД елдерінің трансшекаралық өзара іс-қимылын қамтамасыз ету мәселелерінің өзектілігі, оның ішінде телемедициналық консультация жүргізу бөлігінде ерекше мәнге ие», – деп толықтырды Денсаулық сақтау министрі.Іс-шара барысында қатысушылар қант диабетінің, онкологиялық аурулардың алдын алу және емдеу, туберкулездің таралуының алдын алу бойынша ынтымақтастық мәселелерін талқылады. Отырыс аясында көп сұрақ коронавирустың өршуі кезіндегі психикалық денсаулық және психоәлеуметтік қолдау, пациенттерге көмек көрсету кезінде медициналық қызметкерлердің эмоциялық күйзелісі, сондай-ақ COVID-19-бен ауыратын науқастардағы психикалық бұзылулардың алдын алу, диагноз қою, емдеу және қалпына келтіру секілді тақырыптарға арналды. Айта кетері, форум аясында Денсаулық сақтау министрі Ажар Ғиният өзбекстандық әріптесі Бехзод Мұсаевпен кездесу өткізіп, 2023 жылға дейін денсаулық сақтау саласындағы ынтымақтастықтың негізгі бағыттарын дамыту бойынша Жол картасына қол қойды.
Түркістан облысы