Қарағандыда ер адам көпқабатты үйдің терезесінен секіріп көз жұмды. Қайғылы оқиға 26 қыркүйек күні сағат 11.30-да болған.
«58 жастағы ер адам бесінші қабатта тұратын пәтердің терезесінен секіріп кеткен. Жедел жәрдем жеткенімен, ол оқиға орнында көз жұмды», – деп жазды «Патриот» Telegram арнасы.Ер адамның көршілері оның тез өршитін онкологиялық дертке шалдыққанын айтқан. Аталған дерекке қатысты Қарағанды облыстық Полиция департаменті пікір білдірді.
«Жергілікті тұрғынның өлім дерегі тіркелді, тергеу жүріп жатыр. Оқиғаның мән-жайы анықталатын болады», – делінген ПД хабарламасында.