Павлодар облысында жүк көлігінің мас жүргізушісі екі қабатты үйге соғылды

Павлодар облысында жүк көлігінің мас жүргізушісі екі қабатты үйге соғылды

Павлодар облысында жүк көлігін тізгіндеген мас жүргізуші тұрғын үйге соғылды, - деп хабарлайды Polisia.kz.

27 қыркүйек сағат 13:50 шамасында Shacman жүк көлігінің 45 жастағы жүргізушісі Павлодар облысының Шідерті кентіндегі Жастар көшесіндегі екі қабатты тұрғын үйге соғылған. Тексеру кезінде ол орташа дәрежеде мас болғаны расталған.

"Үйге материалдық шығын келтірілді. Сол уақытта тұрғын үйде ешкім болмаған. Автокөлік жүргізушісі қажетті көмек алу үшін Екібастұз қаласының ауруханасына жеткізілді, себебі дене жарақатын алған. Келтірілген залал мөлшері анықталып жатыр. Көлік Шідерті кентінде жұмыстарды орындайтын мердігер ұйымға тиесілі. Автокөлік арнайы айыптұраққа қойылды. Бөтеннің мүлкін абайсызда жою немесе бүлдіру дерегі бойынша соталды тергеу жүргізіліп  жатыр", - деді Павлодар облысы Екібастұз қаласы ПБ Патрульдік полиция ротасының командирі Азамат Күркебаев.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.