Астана циркінде алғаш рет аты аңызға айналған Юрий Никулин атындағы цирк толық құрамда өнер көрсетеді.
Әлемдік өнер кеңістігінде өзіндік қолтаңбасы бар атақты цирк ұжымының гастрольдік сапары 1-23 қазан аралығында өтеді. Никулин циркі көрермен назарына виртуоз гимнасшылар, әуе гимнасшылары мен жонглерлер, акробат-эксцентриктер мен эквилибристер, көпшілік сүйетін сайқымазақтардың таңғажайып бағдарламаларын ұсынады.
Бұл сапарда Юрий Никулиннің 100 жылдығына арналған, үздік артистер шоғырланған бағдарлама қойылмақ. Ю.Никулин циркі 1 қазан күнгі концерті Халықаралық қарттар күні мен Балалар жылына орайластырылада. Билетті Тикетон сайтында және цирк кассаларында сатып ала аласыздар.