БҚО-да 71 қой ұрлаған күдіктілер ұсталды

БҚО-да 71 қой ұрлаған күдіктілер ұсталды

Батыс Қазақстан облысында 71 қой ұрлаған күдіктілер ұсталды.

БҚО полиция департаментінің баспасөз қызметінен мәлім еткеніндей, 4 қазан күні жедел іздестіру іс-шаралары барысында Орал қаласында 1992 жылғы екі тұрғын қолға түсті.

«Күдіктілерді ұстау кезінде «ГАЗель» автокөлігі тәркіленді. Айыпталушылар осы көлікпен ұрлық жасаған. Жүргізілген тергеу амалдары нәтижесінде шопан қыстағында жымқырылған мал саны анықталып, толық тәркіленді. Екі күдікті ҚР Қылмыстық іс жүргізу кодексінің 128-бабы тәртібімен Орал қаласы полиция басқармасының уақытша ұстау изоляторына қамалды. Қазіргі уақытта облыс аумағында жасалған қылмысқа қатысты дәлелдемелік базаны жинау және олардың ашылмаған мал ұрлығы деректеріне қатыстылығын тексеру жұмыстары жүргізіліп жатыр», - деп хабарлады ведомстводан.

Еске сала кетейік, бұдан бұрын Орал қаласында төбелеске қатысқан ресейліктердің елден шығарылғанын жазған болатынбыз.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.