Биыл бүкіл әлем бойынша жалпы саны 5,3 миллиард ұялы телефон полигонға кететінін Халықаралық электроника және электрлік қалдықтар форумына (WEEE) қатысушылар есептеді, – деп хабарлайды BBC.
Жаһандық сату статистикасы негізінде есептелген бұл WEEE болжамы электронды қалдықтардың қоршаған ортаға әкелетін орасан зор проблемасын айқын көрсетеді.
Зерттеулер көрсеткендей, көпшілігіміз ескі телефондарды қайта өңдеудің орнына үйде сақтаймыз. Бұл ескі құрылғылардағы бағалы металдарды, мысалы, батареялардағы кобальтты немесе электр сымдарындағы мыстарды - жаңа телефондар үшін қайтадан өндіруге тура келетінін білдіреді.
«Көптеген адамдар осы шағын заттардың әрқайсысының өзіндік құндылығы бар екендігі туралы ойламайды. Және бәрі бірге – жаһандық деңгейде – бұл да үлкен көлем», – деп түсіндіреді WEEE бас директоры Паскаль Лерой.
