Қарағанды прокуратурасы аппарат басшысына қатысты тексеріс басталды
Қарағанды прокуратурасы аппарат басшысына қатысты тексеріс басталды
"Қарағанды ​​облысы прокуратурасы аппаратының басшысы Арман Көшекбаев қалтасына пышақ салып мейрамханада жүр" делінген видео тексеріліп жатыр. Видеоға Қарағанды ​​облысы прокуратурасы пікір білдірді. Әлеуметтік желіде Қарағанды ​​облысы прокуратурасы аппаратының басшысы Арман Көшекбаевқа ұқсайтын ер адам түсірілген видео талқыланып жатыр. Кадрларға қарағанда, жазба қаладағы ойын-сауық орындарының бірінде түсірілген. Видеода прокуратура қызметкері делінген адам мекеме күзетшілерінің бірімен сөйлесіп тұрғанын көруге болады. Осы кезде жанындағылар оны тыныштандырып, ғимараттан шығаруға тырысады. Бір кезде видео кейіпкері бұрылғанда, күзетші оның шалбарының артқы қалтасынан пышақты суырып алады. Бұл видео желіде резонанс тудырды. Қолданушылар видео кейіпкерлері арасында прокуратура қызметкерлері барын айтып жатыр. Бұл ретте Қарағанды ​​облысы прокуратурасының баспасөз қызметі видеоға қатысты пікір білдірді. Ведомство мәліметінше, бұл оқиға былтыр болған.
«Әлеуметтік желілер мен мессенджерлерде Қарағанды ​​қаласындағы ойын-сауық нысанында прокуратура қызметкері түсірілген видео тарауына байланысты қызметтік тексеріс басталды. Қазір  бұл дерек 2021 жылы болғаны анықталды. Басқа мән-жайлар тексеріліп жатыр», – деді Қарағанды ​​облысы прокуратурасының баспасөз қызметі.