Оралдағы лицей оқушылары Президентке шағымданды
Оралдағы лицей оқушылары Президентке шағымданды
Оралдағы №8 мектеп-лицейдің оқушылары Қасым-Жомарт Тоқаевтан мәселені шешуге көмектесуін өтінді. Олардың айтуынша, білім мекемесінің ғимараты үш жылдан бері жөнделуде. Балалар басқа мектеп ғимаратының бөлек бөлігінде сынып бөлмелерінің жоқтығына шағымданады. Оқушыларға арналған акт залы, спортзалдары, фельдшерлік пункт және мұғалімдер бөлмесі жоқ.
«Біз толық білім ала алмаймыз. Құрметті Президент, біз балалар, осы текетірестің бәріне шыдап, соңғы шешімді күтуден шаршадық. Біз тәуелсіз Қазақстанның балаларымыз және өз мектебіміздің қабырғасында білім алғымыз келеді, нағыз оқушыға арналған барлық құқықтарға ие болғымыз келеді. Ісімізді бақылауға алуыңызды сұраймыз», – делінген мектеп оқушыларының үндеуінде.
Облыстық Білім басқармасы мектеп ғимаратын жөндеу жұмыстары биылғы жылдың тамыз айында ғана басталғанын хабарлады. Мердігер дайын нысанды 2023 жылдың ақпан айында тапсыруға уәде беріп отыр.