Шымкентте кәмелет жасқа толмағандарды жезөкшелікке тартқан қылмыстық топ ұсталды
Шымкентте кәмелет жасқа толмағандарды жезөкшелікке тартқан қылмыстық топ ұсталды
© ainews.kz
Астанада өтіп жатқан форумда Қазақстан Республикасы Ішкі істер министрлігі Ұйымдасқан қылмысқа қарсы күрес департаментінің бастығы Қанат Нұрмағамбетов Қазақстандағы адам саудасы фактілері туралы айтты, - деп хабарлайды Zakon.kz. Қанат Нұрмағамбетов тамыз айында Шымкентте адам саудасымен, сексуалдық қанаумен, притондарды ұстаумен және адамдарды, соның ішінде кәмелетке толмағандарды жезөкшелікке тартумен айналысқан 11 адамнан тұратын ұйымдасқан қылмыстық топтың іс-әрекеті тоқтатылғанын айтты.
"Жалпы, олардың 23 қылмыс жасауға қатыстылығы дәлелденіп, 18 жәбірленуші, оның ішінде алтауы кәмелетке толмағандар екені анықталды. Күні кеше ғана адам саудасымен айналысқан тағы бір ұйымдасқан қылмыстық топ әшкере болды", - деп мәлімдеді Қанат Нұрмағамбетов.
Оның айтуынша, Қазақстанда жыл сайын адам саудасына қатысты қылмыстар бойынша 100-ден астам сотқа дейінгі тергеулер тіркеледі. Бұл ретте полиция адам саудасының құрбандарын тарту және қанаумен айналысатын ұйымдасқан топтардың, оның ішінде трансұлттық топтардың заңсыз әрекеттерінің жолын кеседі. Мәселен, 2019 жылы осындай екі топтың қызметі жолын кессе, 2020 жылы – 1, 2021 жылы – 2, 2022 жылы – 6.
"Біздің азаматтарды Бахрейн Корольдігіне, Оңтүстік Кореяға және басқа елдерге эксплуатациялау үшін арналар жойылып жатыр", - деді Қанат Нұрмағамбетов.
Шілде айында Қазақстанда 2023 жылы адам саудасына қарсы күрес туралы заң жобасы әзірленетіні хабарланған болатын. Ішкі істер министрлігі Ұйымдасқан қылмысқа қарсы күрес департаментінің бастығы Қанат Нұрмағамбетов елімізде жеке заңның жоқтығын нақтылады.