SlashGear технологиялық платформасында әлемдегі электромобиль нарығында бәсекелес көбейіп, автомобиль өндірушілер жаңа концепциялар ұсына бастағаны айтылды. Aikyn.kz электр көліктері әлемінде қандай өзгерістер болғалы тұрғанын хабарлайды. Электромобиль нарығында Tesla соңғы жылдары бәсекелестерінен көш ілгері кеткені белгілі.
Технологиялық аванградтың алдында жүретін Ford және General Motors сияқты ірі автомобиль өндірушілер де соңғы 10 жылда нарықтық бөлісте төменгі сатыларда жүрді. Енді жағдай өзгере бастады.Mercedes 2030 жылға қарай толығымен электромобильдер шығаруға көшуді жоспарлап отырғанын осыған дейінгі жазған мақаламызда айтқан болатынбыз. Жапондық Nissan да өзінің Leaf сериясын шығарды. 2022 жылы Ford компаниясы F-150 Lightning, General Motors компаниясы Bolt және EV Silverado, Equinox сияқты Ultium-мен жабдықталған көптеген модель бар. Volkswagen өзінің iD.4 нұсқасын ұсынады. [caption id="attachment_226546" align="aligncenter" width="1296"]
Алайда әлемдік көшбасшы бір компания EV әңгімесіне айтарлықтай қатыспай отыр. Бұл көпшілікті таңғалдырады.Өйткені бұл планетадағы ең ірі автомобиль өндірушілердің бірі ғана емес. Ол сондай-ақ бүгінде қолданылып жатқан электрлі көлік технологиясының көптеген жетістігінің иесі. Бұл компания – жапондық Toyota. [caption id="attachment_226549" align="aligncenter" width="1601"]
Бұған қарамастан, электрлік кеңістікте Toyota әлдеқайда артта қалды. Компания түсініксіз атаумен bZ4X EV деген кроссоверін жасады. Бірақ доңғалақтарында ақаулық табылған bZ4X өткен айда ғана конвейерге шығарылды.Дегенмен Reuters агенттігінің хабарлауынша, Toyota өз жолына қайта оралуға тырысуда. Бренд Ford-қа немесе GM-ге емес, тікелей Tesla-ға назар аударған. 38 миллиард доллар тұратын электрлік көлік әлемін жаулап алудың жаңа жоспарымен Toyota Илон Масктың электр көлігін тұғырынан тайдыруға үміттенеді. [caption id="attachment_226550" align="aligncenter" width="1225"]
Reuters агенттігінің хабарлауынша, компания бұрын шығарылған 30-дан астам электромобиль үлгілері бойынша жұмысын тоқтатып, таза әдістер ұстанатын сияқты.Компания шығындарды азайтуға және жаңа электр көліктерін тұтынушыларға жылдам жеткізуге күш салуда.