Алматы облысы Қарасай ауданына қарасты Жамбыл ауылдық округінде 61 жастағы адам бейіттердің арасына лашық тұрғызып, сонда тұрып жатыр.
Ер адамның моланы мекендеп жүргеніне жарты жылға жуықтаған.
Көбіне бейіт маңындағы мекемелерден барып тамақтанатын көрінеді. Қалың куртка мен аяқкиімді де сол жанашырлар беретінін айтады. Яғни, ол адамның мұнда тұратынынан көп адам хабардар. Байқағанымыз, ол кісінің жүйке жүйесі әбден сыр берген. Қоғамға, өмірге өкпелі…
Дегенмен бұл кісінің зират ортасында күн кешіп жатқаны қаншалықты дұрыс? Жергілікті атқарушы органдар жәрдем бере алмас па екен? Бәлкім, қарттар үйіне өткізуге болмас па екен? Қыста бұл кісінің жағдайы не болмақ? – дейді видео авторы.
