Ресей Федерациясының Сочи қаласында өтіп жатқан «АТОМЭКСПО-2022» халықаралық форумында «ҚазАтомӨнеркәсіп» Ұлттық атом компаниясы» Акционерлік қоғамының коммерция жөніндегі бас директоры Асқар Батырбаев Қазақстан уран өндірісінің көлемін арттыруға мүдделі екендігін хабарлады.
Ол түрлі болжамдар мен электр генерациясы үшін уранды пайдаланатын энергетикалық компаниялардың сұранысы мен ұсыныстарын зерделей отырып, жаңа кеніштерді дайындайтындарын айтты. Яки, атом стансалары мен операторларының жағдайы бірқалыпты болуы үшін уран өндірісін ұлғайтуға дайын.
«Біз жаңа кеніштерді сұраныстар пен ұсыныстар арасындағы теңгерімді негізге ала отырып ашамыз. Сондай-ақ, «ҚазАтомӨнеркәсіп» өз акционерлеріне келісімшарт портфелінде міндетті түрде көрініс табатындай қосымша құндылық бар екенін көрсе, жаңа кеніштер ашады. Яғни, бізде уран өндірісінің көлемін арттыру туралы келісімшарт пайда болған кезде-ақ соның негізінде өндірісті азайтамыз немесе көбейтеміз», – деді Асқар Батырбаев.
