Бразилия астанасы Бразилиада өткен қазақ жазушысы, драматург, ғалым Мұхтар Әуезовке арналған конференцияда Димаш Құдайбергеннің чилилік жанкүйерлері белсенділік танытты.
Dimashnews.com-ның хабарлауынша, Мұхтар Әуезовтің 125 жылдығына арналған іс-шара 16 қарашада өткен. Конференция барысында қазақ тілі пәнінің оқытушысы, түркітану факультетінің аспиранты Марсиа Кастро барша қатысушыға жазушының өмір жолы мен әйгілі «Абай жолы» романы туралы мағлұмат берді.
Іс-шараны ұйымдастырушылар «Қазақстан-Чили достығы қоғамы» құрылғанын ресми түрде жариялады. Бұл туралы бұған дейін Қазақстанның Чилидегі елшісі Болат Нүсіпов мәлімдеген еді. Чилилік жанкүйерлер ұлттық биін – музыкасы мен мәтіні осы маңызды оқиғаға арнайы жазылған куэканы ұсынды.
«Димаш әрқашан бүкіл әлемнен Dears-ты Қазақстанға қонаққа шақырады, сондықтан біздің «Қазақстан – батыл халық» атты куэкамыз (ұлттық би) Чилидің барлық жанкүйері үшін маңызды оқиға болды. Бұл қуэка сүйікті орындаушымыздың Отанына бір күні бару деген асыл арманымызға бұрынғыдан да жақындағанымызды сезіндіреді», – дейді жоба авторлары Клаудия Лобос пен Кармен Сандовал.
