Қатарда өтіп жатқан футболдан 2022 жылғы әлем чемпионатында Коста-Рика Жапониядан басым түсті.
Азия құрамасы Е тобының екінші тур ойынында фаворит саналғанымен, ойындағы жалғыз голды коста-рикалық Кейшер Фуллер соқты.
Алғашқы турда Жапония құрамасы Германияны 2:1 есебімен жеңсе, Коста-Рика Испанияға 0:7 есебімен ұтылды. Екі құрама бұған дейін төрт мәрте кездесті. Оның үшеуінде жапониялықтар жеңіске жетсе, бір кездесу тең нәтижемен аяқталды.
Аталған топтағы Испания мен Германия кездесуі бүгін елорда уақытымен 01:00-де«Qazaqstan» мен «Qazsport» телеарналарынан тікелей эфирде көрсетіледі.
