Тікелей эфирде түкірген депутат айыппұл төледі

Тікелей эфирде түкірген депутат айыппұл төледі

Әлеуметтік желіде мәжіліс депутаты Ерлан Сайыровтың телеарналардың біріне сұрақтарға жауап беру кезінде түкірген видеосы тарады. Көп ұзамай депутаттың өзі бұл жағдайға қатысты пікір білдірді. Ерлан Сайыров "Хабар 24" арнасына елдегі жылу-электр орталықтарындағы мәселелерге қатысты сұрақтарға жауап берген. Тікелей эфир барысында депутаттың түкіргені де камераға түсіп қалған.

Депутаттың бұл әрекетіне қатысты желі қолданушылары пікір қалдырып, сынға алды.

"Халыққа деген қарым-қатынасын көрсетті", "Мұндай әрекет үшін заң бойынша айыппұл қарастырылған", – деп жазды желі қолданушылары.

Ал Ерлан Сайыровтың өзі бұл жағдайдың қақаған аязда және адам жоқ жерде болғанын айтып, ақталды.

"Біріншіден, қауымнан, егер қолайсыз жағдайға қалдырсам, кешірім сұраймын.Екіншіден, кеше кешке Екібастұзда өте аяз болды, далада тұрғандықтан осындай жағдай болды. Далада төрт-бес сағат жүрдік, ТЭЦ-қа бардық, сол кезде тамағым құрғап кеткен болуы керек. Біз қоғам алдында әрбір қадамымыз үшін жауап беріп, азаматтарға жүріс-тұрысымызды түсіндіріп отыруымыз қажет деп есептеймін.Тағы да қолайсыздық үшін кешірім сұраймын! Мен ел алдында әрқашан ашық болуға тырысамын”, – деп жазды ол өз Facebook-парақшасында.

Сосын көп ұзамай тікелей эфирде түкірген депутатқа айыппұл салынды. Депутат Ерлан Саировқа қоғамдық орынды ластағаны үшін 5 АЕК, яғни 15 315 теңге көлемінде айыппұл төлейтін болды. Артынша халық қалаулысы айыппұл төлегенін дәлелдейтін чегін әлеуметтік желідегі парақшасына жариялады.

Тікелей эфирде түкірген депутат айыппұл төледі

"Біз құқықтық мемлекетте өмір сүреміз. Әрбір азамат өзінің істегені үшін жауап беруі қажет. Мен кешегі "Хабар" арнасындағы "түкірік" үшін айыппұл төледім. Заң алдында барлық азаматтар тең болуы керек.
Бұл аксиома! Сонда ғана әділетті қоғам құрамыз! Басқа да азаматтар заң алдында өз жауапкершілітерін сезінуі қажет. Әсіресе, халықтың игілігін жымқырып қойған олигархтар мен алпауыттар. Олардың жауапкершілігін біз көздеріне "шоқшитып" көрсетуіміз қажет!

Әрбір адам өзгерісті өзінен бастауы тиіс. Әрқайсымыз өзгерсек, мемлекетті өзгертеміз! Мені қолданған азаматтарға көп Рахмет! Мені сынға алған азаматтарға да ырзашылығымды білдіремін! Біз Біргеміз!" - деп жазды депутат.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.