Ақтауда екі кішкентай қызды көлік қағып, біреуі көз жұмды

ақтау

Ақтау қаласында жолдан өтіп бара жатқан екі қыз баланы көлік қағып кетті, – деп хабарлады Lada.kz.

Полицияның мәліметінше, жол апаты 29 қараша күні 13:15-те 31«А» және 31«Б» шағынаудандарының арасындағы жолда болған.

Көлік қағып кеткен 5 және 6 жасар қыздар Маңғыстау облыстық ауруханасына жеткізілген. Оның бірі сол жерде көз жұмды.

Балалардың қасында біреуінің анасы болған. Олар реттелмейтін жаяу жүргіншілер өткелімен жолды кесіп өтіп бара жатқанда Nissan X-Terra көлігі келіп қаққан.

«Жол апатына түскен қыздың көзінің астында қара дақтар, ісік, екі аяғының балтырында жарақат бар. Жабық ми жарақатын алған, миы шайқалған. Травматология бөлімшесіне жатқызылды» – деп хабарлады облыстық денсаулық сақтау басқармасынан.

Оқиға Қылмыстық кодекстің 345-бабының 3-бөлімімен тіркеліп, тергеу жүріп жатыр.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.