Еуропада Илон Масктің Starlink спутниктік интернет қызметі Испания, Франция, Германия және Италия сияқты елдерде жұмыс істейді. Бір қызығы, Украина кезекте тұрған аймақ деп аталады. Бірақ, Украинаның жерүсті байланыс инфрақұрылымы әскери шабуылға ұшырағандықтан, азаматтар мен армияның коммуникациясы Starlink терминалдары арқылы жүріп жатыр. Aikyn.kz осы спутниктік жүйенің қандай елдерде қолданылатыны туралы Slash Gear сайтына сілтеме жасап хабарлайды.
[caption id="attachment_230079" align="aligncenter" width="1225"]
Жақында компания бүкіл Канада мен Алясканы қамту үшін Starlink интернет қызметін кеңейтті. Ресми Starlink веб-сайтындағы қамту картасы қазір дәл осындай аттас спутниктік интернет қызметі Солтүстік Американың барлығында дерлік қолжетімді екенін көрсетеді.Бразилия мен Чилиді қоса алғанда, Латын Америкасының бірнеше аймағында да спутниктік жүйе қосылған. Starlink ең суық шалғай аудандарда да спутниктік интернет қызметін ұсына отырып, бүкіл Солтүстік Американы қамтыған маңызды кезеңге жетті. [caption id="attachment_230082" align="aligncenter" width="1429"]
Айта кетерлік жайт, геосаяси шиеленіс пен ұлттық қауіпсіздік мәселелеріне байланысты Қытай мен Ресей «күту тізімінде» де, «жақында» қосылатындардың ішінде де жоқ.Азияда Starlink жұмысы қазіргі уақытта шектеулі. Тек Жапония мен Аустралияда SpaceX қызметіне ресми рұқсат берілген. [caption id="attachment_230083" align="aligncenter" width="1206"]
Ал, SpaceX болса Starlink Maritime деп аталатын өзінің теңіз қызметі арқылы осы географиялық шектеулерді айналып өтуге тырысады.Қазірдің өзінде Starlink Maritime-ның қамту картасы Солтүстік Америка мен Батыс Еуропаның, Оңтүстік Америка мен Аустралиядағы Бразилия мен Чилидің жағалауын қамтитынын көрсетеді. Дегенмен, 2023 жылдың бірінші тоқсанында SpaceX халықаралық дәліздің барлығын дерлік қамтуды жоспарлап отыр.
Енді бірнеше жылда Starlink тәрелкелері Орталық Азия мен Қазақстанға да келіп қалар. Шалғай ауылдарға интернет қосу экономикалық жағынан тиімді болса қазақ Үкіметі бұл мәселені де оң шешеді деп үміттенеміз.