Meta компаниясының бас директоры Марк Цукерберг қолданбаларды бақылау мәселесінде Apple компаниясының әрекетін сынға алды. Кәсіпкер қосымшаларды пайдалануды iOS-та шектеу бәсекелестік қағидаттарына сәйкес еместігін айтты. Бұл туралы «Коммерсант» басылымына сілтеме жасап Aikyn.kz хабарлайды. [caption id="attachment_230531" align="aligncenter" > Цукербергтің айтуынша, Apple саясаты пайдаланушылар орнататын қосымшаларды бақылауға бағытталғандықтан, мобильді жүйедегі пайданың басым бөлігі осы компанияда қалады. Фото Getty Images сайтынан алынды[/caption] Цукерберг DealBook Summit конференциясында Apple біржақты түрде пайдаланушылар орнататын бағдарламаларды бақылайтынын мәлімдеген:
«Егер сіз қолданыстағы негізгі есептеу платформаларына қарасаңыз – Windows, Android, iOS... – қандай қолданбаларды қолдануға болатынын басқаратын жалғыз Apple компаниясы».Кәсіпкердің айтуынша, компанияның саясаты пайдаланушылар орнататын қосымшаларды бақылауға бағытталғандықтан, мобильді жүйедегі пайданың басым бөлігі Apple компаниясына түседі. [caption id="attachment_230532" align="aligncenter" > Маск мырза Apple «сөз бостандығын жек көретінін» және әлеуметтік желіні AppStore дүкенінен алып тастаумен қорқытқанын айтқан. Фото Getty Images сайтынан алынды[/caption] Бұған дейін Twitter басшысы Илон Маск та Apple компаниясын сынға алған болатын.
Маск мырза Apple «сөз бостандығын жек көретінін» және әлеуметтік желіні AppStore дүкенінен алып тастаумен қорқытқанын айтқан.Алайда Apple-дің бас директоры Тим Кук Twitter қосымшасын AppStore дүкенінен алып тастау жоспарда жоқ екенін жариялады.