Мәжіліс Төрағасы Ерлан Қошанов Ресей елшісінің мәлімдемесіне қатысты пікір білдірді.
Мәжіліс Спикері Atameken business телеарнасына Қазақстандағы Ресей елшісі Алексей Бородавкиннің мәлімдемесіне қатысты пікірін білдірді. Қошановтың айтуынша, дипломаттың кейбір сөздері оның қызметіне сәйкес келмейді.
Мәжіліс спикері Бородавкинді үгіт-насихатшыға тән, бірақ тәжірибелі дипломатқа тән мәлімдеме жасаудан аулақ болуға шақырды.
«Оның сұхбатының кейбір сәті расымен, оның лауазымына сәйкес келмейді және оған жақсы атақ әпермейді. Бородавкин мырза өте тәжірибелі дипломат, біз оны бұрыннан білеміз. Оның үгіт-насихатшыларды мен саясаттанушыларға еріп кетуіне болмайды», – деп атап өтті Ерлан Қошанов.
Мәжіліс спикерінің айтуынша, екіжақты қарым-қатынастың игілігіне жұмыс істеу міндеті жүктелген дипломаттар үшін мұндай мәлімдемелерге жол берілмеуі керек.
«Ресейде де, басқа елдерде де ксенофобия бар. Сондықтан біз елдеріміздің, мемлекеттеріміздің игілігі үшін бірлесіп жұмыс істеуіміз керек. Біздің мәлімдемелеріміз, саясаткерлердің мәлімдемелері бірінші кезекте екіжақты қарым-қатынасқа нұқсан келтірмеуі тиіс», – деді Е. Қошанов.
Айта кетейік, жақында Қазақстандағы Ресей елшісі Алексей Бородавкин ресейлік басылымдардың біріне берген сұхбатында Қазақстандағы радикалдық ұлтшылдар мен орыстарды жеккөрушілік туралы мәлімдеген.
