Қарағандылық әйел шұжықтың ішінен тіс тауып алды

Қарағандылық әйел шұжықтың ішінен тіс тауып алды
Фото: guns.allzip.org

Әйел сатып алған шұжықтың ішінен тіс тауып алды, – деп хабарлайды Aikyn.kz.

Tengrinews.kz-тің жазуынша, ол шұжықтан бутерброд жасамақ болған.

«Бір күн бұрын сатып алған шұжықпен таңғы асқа бутерброд жасайын деп ойладым. Бутербродты жеп жатқанда, арасында біртүрлі үшкір зат барын байқадым. Кейін егеуқұйрықтың тісі екенін білдік. Оның көлемі адамның тісінен екі есе үлкен, сіріңке қорабының жартысындай. Жұтып қойсам не болатын еді? Кішкентай немерелеріме бермегеніме қуанып отырмын. Бұл менің сүйікті компаниямның өнімі еді. Осыған дейін барлық шұжық өнімдерін осылардан алатынмын», – дейді әйел.

Қарағандылық әйел шұжықтың ішінен тіс тауып алды

Тұрғынның айтуынша, мұндай жағдай бірінші рет болып отырған жоқ.

«Жақында мен 45-кварталдағы дүкеннен торт сатып алдым. Сол торттың кілегейінен ұзындығы үш сантиметрге жуық сым тауып алдым. Бәрін мұқият шайнау керек екеніне тағы бір рет көзім жетті. Енді мен шұжықтағы тістің ненікі екенін анықтайтын санитарлық қызметке барамын», – деп жазды пост авторы.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.