Аргентина құрамасы финалда Франция құрамасын жеңіп, тарихта үшінші рет футболдан әлем чемпионатын жеңіп алды. «Лусаил» стадионында өткен 2022 жылғы Қатардағы әлем чемпионатының шешуші текетірес қосымша уақыттан кейін 3:3 есебімен аяқталды. Аргентина құрамасы бірінші таймда 2 гол соғып, 80-минутқа дейін осы есепті ұстап тұрған. Бірақ 80, 81-минутта Киллиан Мбаппе қос гол соғып, есепті теңестірді. Ойынға қосылған қосымша уақытта қос құрама тағы бір-бір голдан соқты. Пенальти сериясында Францияны 4:2 есебімен жеңген Аргентина өз тарихында үшінші рет әлем чемпионы атанды.