Ұлыбритания 1 қаңтардан бастап Ресейден сұйытылған табиғи газды (СТГ) импорттауды тоқтатады. Бұл туралы Ұлыбританияның сыртқы істер министрлігі Twitter-де хабарлады.
«Бүгін Ұлыбритания ресейлік сұйытылған табиғи газдың барлық импортын тоқтатты» делінген Сыртқы істер министрлігінің мәлімдемесінде.
Өткен жылы Ұлыбритания 3,12 миллиард текше метр импорттаған. Ресейлік газ көрсеткіштері Украинамен арадағы жағдайға байланысты күрт төмендеді. Ұлыбритания билігі 2023 жылдың 1 қаңтарынан бастап Ресей Федерациясынан СТГ импортынан толық бас тартуға ниетті екенін мәлімдеді.
Корольдікте тұтынылатын газдың орташа жылдық көлемі шамамен 75 миллиард текше метрді құрайды.
