Ұлытау облысында жоғалған адамды іздеу жұмыстары жалғасуда, – деп хабарлайды ТЖМ баспасөз қызметі.
Жоғалған адамдардың бірін іздеу бесінші күн қатарынан жүргізілуде, 1964 жылы туған қыстақ жұмыскері Кіші Киік қыстағынан белгісіз бағытқа шығып кеткен және оның орналасқан жері әлі белгісіз. Жоғалғаны туралы өтініш 2023 жылдың 2 қаңтарында түсті. Іздестіруге ТЖ, Полиция департаменттері және жергілікті атқарушы органдар қызметкерлерінен 11 адам және 2 техника жұмылдырылды.
3 қаңтар сағат 18:30-да Тоба қыстауының иесінен 1978 жылы туған шопан мал іздеуге шығып, оралмағаны туралы мәлімдеме түсті. ТЖ, Полиция департаменттері, жергілікті атқарушы орган қызметкерлерінен және Тоба қыстағы иесінен тұратын 11 адам және 2 техника күштері мен құралдары жоғалған шопанды іздеуде.
Ұлытау облысының ТЖД қыс мезгілінде қауіпсіздік ережелерін сақтау қажетін ескертеді, дауылды ескертулерге назар аударып, ауа райы нашарлаған жағдайда үйде болған жөн.
«Осыған байланысты, қысқы кезеңдегі төтенше жағдайлардың алдын алу үшін келесі маңызды ережелерді еске саламыз:
– азаматтар автомобильдермен жолға шықпас бұрын ауа райына және дауылды ескертулерге назар аударуы керек;
– жазғы доңғалақтарды қысқы доңғалақтарға ауыстырып, көлікте күрек пен балта, жылы заттар, сіріңкелер мен шамдар, азық-түлік пен жанармай қоры, құрал-саймандар жиынтығы мен сүйрету кабелі, алғашқы медициналық көмек қобдишасы және зарядталған ұялы телефон болуы қажет.
Төтенше жағдай туындай қалса, құтқару қызметінің тәулік бойғы «112» бірыңғай нөміріне немесе «101» нөміріне қоңырау шалыңыз», – деп жазды ведомстводан.
