– Қазіргі жағдайы орташа ауыр деп айтты. Қазір ауруханадан келіп отырмыз. Бұрыннан болып тұрады екен. Бірақ бізге айтпаған, бір-екі рет айтқан, мән бермегенбіз ғой. Күйеуі бостандықта деді. Бүгін ауруханаға барған едік, меңгеруші күйеуі оның мазасын алып жатыр деп айтты. Өзінің сөйлеуге мұршасы жоқ», – дейді әпкесі Бағдагүл.Зорлық-зомбылық көрген әйелдер дағдарыс орталықтарында бас сауғалауға мәжбүр. Орталық директорының айтуынша, 6 күннің ішінде 15-ке жуық әйел хабарласып, көмек сұраған. – «Орталыққа жылына шамамен 400-ге жуық әйел келеді. Жыл басталғалы 15-ке жуық әйел хабарласты. Олардың барлығы алғашқы көмек алғанша, жағдайлары реттелгенше орталықта болады. Жалпы өз тәжірибемде 17 жасында өз еркінен тыс тұрмыс құрып, артынша 4 баласымен осында келген әйелді көрдім. Оның өзінде, күйеуі басын жарып тастаған соң ғана келді», – деді «Қорғау-Астана» дағдарыс орталығының директоры Анна Рыль. Құзырлы органдардың хабарлауынша, елдегі тұрмыстық зорлықтың 70 пайызы ішімдік ішудің салдарынан болады. – «Отбасылық құқық бұзушылықтар үшін 20 тәулікке дейін жауапкершілік көзделген. Баптың нормасында 5 тәулікке дейін деген норма көрсетілген. Судья шешеді оны, 1 тәулік бере ме, 2 тәулік бере ме, бұл оның құзырындағы дүние. Ал біз көрсетіп отырған нормада 5 тәулік. Яғни, 5 тәулік отырған адам қандай да бір шешім шығарады, ой түйеді», – деді Астана қаласы ПД Әйелдерді зорлық-зомбылықтан қорғау жөніндегі бөлімнің аға инспекторы Гүлмира Шрахметова. Мемлекет басшысы өз Жолдауында әйелдерге қарсы тұрмыстық зорлық-зомбылық үшін жазаны қатаңдатуды тапсырған болатын. Мамандар да әйелдерге күнделікті қайталанатын зорлық-зомбылыққа шыдап отырмай, құзырлы органдарға шағымдануға кеңес береді.
«Артына хат жазып қалдырған»: Алматы облысында күйеуінен 2 күн зорлық көрген әйел өзіне қол салған
7,010
оқылды
оқылды