Қазақстанда 2018 жылғы наурыздан бері алғаш рет қайталама тұрғын үй нарығында баға төмендеді. Бұл туралы Ұлттық статистика бюросы хабарлады. Бюроның ақпаратына сүйенсек, 2022 жылғы соңғы бір ай ішінде республика ойынша пәтерлерді қайта сату құны 1,5 пайызға төмендеген. Бұл көрсеткіш Астанада – 5,1 пайыз, Шымкентте – 2,7 пайыз және Ақтауда – 1,6 пайыз. Сондай-ақ желтоқсанда абаттандырылған тұрғын үйді жалдау ақысы алдыңғы аймен салыстырғанда 1,6 пайызға төмендеген. Жаңа пайдалануға берген тұрғын үйді сату бағасы, керісінше, 0,4 пайызға қымбаттаған.