Бүгін АҚШ-тың Лэйк-Плэсид қаласында Қысқы универсиаданың жалауы көтеріледі.
Биыл отызыншы мәрте өтетін дүбірлі дода 12-22 қаңтар аралығында өтеді. Әлемдік додаға 50 елден 1 443 атлет қатысады. Студенттер спорттың 12 түрінен 86 жүлде жиынтығын сарапқа салады.
Бұл жарыста еліміздің намысын 78 спортшы қорғайды. Бұған дейінгі универсиадаларда қазақстандық студенттер 2017 жылы жоғары нәтиже көрсетті. Еліміздің Алматы қаласында өткен бәсекеде олар 11 алтын, 8 күміс пен 17 қола олжалады. Нәтижесінде, барлығы 36 медальмен Қазақстан жалпыкомандалық есепте екінші орын алды.
Биыл отызыншы мәрте өтетін дүбірлі дода Qazsport арнасынан тікелей эфирде көрсетіледі. Көрсетілім кестесі телеарнаның әлеуметтік желілеріне күнделікті жарияланады.