Астана аспанындағы нысан қала тұрғындарының арасында сұрақ туғызды, - деп хабарлайды Tengrinews.kz.
Желіде 18 қаңтарда таңертең аспанда нысаны бар видео пайда болды.
Кейбір қолданушылар бұл "Байқоңырдан" ұшырылған зымыран болуы мүмкін деген болжам жасады. Алайда Цифрлық даму, инновациялар және аэроғарыш өнеркәсібі министрлігінің баспасөз қызметі ғарыш айлағынан ештеңе ұшпағанын хабарлады.
Азаматтық авиация комитеті сол сәтте Астананың аспанынан Boeing 777 ұшағы ұшып өткенін хабарлады.
"2023 жылдың 18 қаңтарында таңғы сағат 9 шамасында China Southern Cargo Airlines әуе компаниясының Boeing 777 ұшағы Чунцин-Франкфурт бағыты бойынша 32 000 фут (9 750 метр) биіктікте тұрақты рейсін орындап, Астананың үстінен ұшып өтті. Ұшақ бейнежазбадан көрінді", - деп түсіндірді олар ҚГА баспасөз қызметінде.
