Шығыс Қазақстан облысы Риддер қаласында жылу электр орталығында өрт шықты. ШҚО әкімдігінің хабарлауынша, қазір Риддер қаласында жылу электр орталығындағы өрт сөндірілді.
«19 қаңтарда сағат 06.54-те «Риддер ЖЭО» АҚ отынмен қамтамасыз ету цехында өрт шыққан. Дәл осы сәтте тілсіз жау ауыздықталды. Өрттен зардап шеккен ешкім жоқ. Жанармаймен қамтамасыз етуді қалпына келтіру жұмысы басталды», – делінген әкімдіктің ресми ақпаратында.Апаттың себебін мамандар анықтайды.