Apple таңғаларлық өнімі HomePod-ты ұсынды

Рисунок1
Apple жаңа HomePod смарт динамигін таныстырды. HomePod-2023 құрылғысының құны 299 доллар. Фото Apple сайтынан алынды

Apple жаңа HomePod смарт динамигін таныстырды. Жаңа HomePod-2023 құрылғысының құны 299 доллар және бір қарағанда, Apple 1-буындағы динамиктерді қаншалықты жаңалады деген ой туындайды. Купертинолықтардың жаңа өнімінің ерекшеліктері туралы SlashGear платформасына сілтеме жасап Aikyn.kz хабарлайды.

Рисунок2
Жоғары бетінде орналасқан сенсорлық тақтада басу мен түртулер музыканы ойнату және тоқтату сияқты әрекеттерді орындаса, Siri тыңдап немесе жауап бергенде әртүрлі анимациялар көрсетіледі. Фото Apple сайтынан алынды

Өнімнің жаңа эстетикасы 1-буындағы дизайнды қайталайды, тек геометриялық формасы өзгерген. Матамен қапталған дизайн екі түсте ұсынылады – ақ және қою сұр. Динамиктің төменгі жағында акустикалық мөлдір тор бар. Apple матаның өзі 100% қайта өңделгенін және қуат беретін сымының да сәйкес тоқылған жабындысы бар екенін айтады.

Жоғары жағында артқы жарықтандырғыш сенсорлық тақта орнатылған. Бұрынғыға қарағанда жаңа HomePod орталықтағы шағын шеңберді ғана емес, бүкіл жоғары бетті жарықтандырады. Сенсорлық тақтада басу мен түртулер музыканы ойнату және тоқтату сияқты әрекеттерді орындаса, Siri тыңдап немесе жауап бергенде әртүрлі анимациялар көрсетіледі.

Apple-дің айтуынша, диафрагманы 20 мм-ге дейін өзгерте алатын төменгі жиіліктегі динамик бар. Сондай-ақ дыбыстың бағытын өзгертуге болады және төменгі жиілікті эквалайзері бар микрофон бар. Жаңа HomePod айналасындағы қабырғалар мен басқа да жиһаздан, беттерден шағылысқан дыбыстарды талдап, музыкалық параметрлерді нақты уақытта өзгерте алады. Apple сонымен қатар қолданушыларға тікелей және өзін қоршаған айналадағы дыбыстарды жеткізе алатынын айтады.

Рисунок3
HomePod-ты теледидар мен фильмдерді көру үшін Apple TV 4K жүйесінде сымсыз қосып қолдануға болады. Одан кейін Siri көмекшісін Apple TV 4K қолсыз, дауыспен басқару үшін пайдалана аласыз. Фото Apple сайтынан алынды

Мұның барлығы сымсыз қосылған бір немесе бірнеше HomePod-ты біріктіріп, Spatial Audio-ны қолдайтын Apple S7 чипсетінде жұмыс істейді. Сондай-ақ оларды теледидар мен фильмдерді көру үшін Apple TV 4K жүйесінде сымсыз қосып қолдануға болады. Одан кейін Siri көмекшісін Apple TV 4K қолсыз, дауыспен басқару үшін пайдалана аласыз.

Бұл жаңа HomePod ақылды үй жүйесінде ең пайдалы құрал болуы мүмкін. HomeKit концентраторы ретінде жұмыс істейді және қазір Matter қосымшасын да қолдайды. Осы көктемдегі жаңартуларда HomePod микрофондары үйдегі түтін немесе көміртегі тотығы детекторларының дабылын, төтенше шуды қабылдап, үй иесінің iPhone-на ескерту хабарламалар жібере алады. Apple сонымен қатар температура мен ылғалдылық сенсорларын да осы құрылғыға қосты.

HomePod-тағы Siri бұрынғыша сөйлей алады. Бірақ ол сонымен қатар қоршаған дыбыстардың жаңадан жазылған тізімін пайдалана алады. Apple-дің айтуынша, бұған мұхит, орман және жаңбырдың дыбысы жатады.

Рисунок4
Көктемдегі жаңартуларда HomePod микрофондары үйдегі түтін немесе көміртегі тотығы детекторларының дабылын, төтенше шуды қабылдап, үй иесінің iPhone-на ескерту хабарламалар жібере алады. Фото Apple сайтынан алынды

Жаңа 2-буын HomePod кешеден бастап 299 долларға сатыла бастайды.

Ол алдымен Аустралия, Канада, Қытай, Франция, Германия, Италия, Жапония, Испания, Ұлыбритания, АҚШ-та және басқа да 11 ел мен аймақта қолжетімді болады. Жеткізу 2023 жылдың 3 ақпанында басталады.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.