Қостанайда көпқабатты үйдің кіреберісінде ер адам өртеніп кетті, - деп хабарлайды "Наша газета" ақпараттық порталы.
Оқиға орнынан түсірілген суреттерді басылымға оқырман жіберген. Ол жантүршігерлік жағдай 21 қаңтарда Қостанайдағы 8-шағын аудандағы №11 үйдің кіреберісінде болғанын айтқан.
"21 қаңтарда сағат 13:16-да 8-шағын ауданнан қоңырау келді. 10 қабатты тұрғын үйде баспалдақта қоқыс өртеніп кетті. Сонымен қатар, 9-шы және 10-шы қабаттар арасындағы баспалдақта өртеніп кеткен ер адамның мәйіті табылды. Тұрғындарды эвакуациялау қажет болмады. Өрт 13:55-те ауыздықталды", - деп хабарлады Қостанай облысы ТЖД баспасөз қызметі.
