Мумбайда Шанхай ынтымақтастық ұйымының кинофестивалі аяқталды. «Үздік ер адам рөлі» санатында «Паралимпиадашы» фильмінде басты рөлді сомдаған отандық актер Асқар Ілиясов жеңіске жетті. Фильмнің сюжеті бойынша бала кезінен Олимпиада алтынын жеңіп алуды армандаған жас пен болашағы зор шаңғышы Мақсат жан түршігерлік апаттан аяғынан айырылады. Жарақаттан кейінгі күйзелістен шығуға Паралимпиадаға қатысу мүмкіндігі көмектеседі.
«Фильм барысында көп жұмыс істелді. Сіз жұмыс істейсіз, бар күшіңізді саласыз. Еңбегіңіздің бағаланғанын көргенде жұмсалған күштің зая кетпегенін түсінесіз. «Паралимпиадашы» фильмі мені басқа қырымнан көрсетті. Біздің басты миссиямыз – паралимпиадашылар туралы айту. Олармен бірге бір түсірілім алаңында тату команда болып жұмыс істедік. Жалпы, фильм паралимпиадашылардың рухын көрсеткісі келді. Дебютанттардың көбі жас – режиссер, продюсер, оператор, соған қарамастан фильм жеңіске жетті. Өйткені әрқайсысымыз актерлік ойын, сценарий, визуалды сурет және басқа арқылы не айтқымыз келгенін жеткіздік», – дейді актер.Фильмнің режиссері Алдияр Байракимовта, Асқар Ілиясовтың үздік атануға әбден лайықты екенін айтады.
А.ЖАНАСЫЛ