Google-дің жасанды интеллект технологиясы ChatGPT-тан артта қалып барады
Google-дің жасанды интеллект технологиясы ChatGPT-тан артта қалып барады
Инвесторлар мен әлемдік технология индустриясы Google-дың 2022 жылдың 4-тоқсанындағы нәтижелерін күтіп, ChatGPT-дің танымалдығының өсуіне қатысты компанияның реакциясын күткен еді. Фото nytimes.com сайтынан алынды. Авторы: Alva Skog
2 ақпанда Google өзінің тоқсан сайынғы табысы туралы есебінде инвесторлар мен сарапшыларды жасанды интеллекті дамытуда әлі де көшбасшы екеніне сендіргісі келді. Бұған дейін инвесторлар мен әлемдік технология индустриясының өкілдері Google-дың 2022 жылдың 4-тоқсанындағы нәтижелерін күтіп, ChatGPT-дің танымалдығының өсуіне қатысты компанияның реакциясын күткен еді. Google-дың жауабы туралы techcrunch.com сайтының материалы негізінде Aikyn.kz мәселенің мәнісіне үңіліп көрді. [caption id="attachment_239098" align="aligncenter" width="1225"]Рисунок6 Google-дың бас директоры Сундар Пичаи компанияның алдағы апталар мен айларда LaMDA сияқты жасанды интеллект (ЖИ) негізіндегі үлкен тіл үлгілерін (LLM) көпшілікке қолжетімді ету жоспарларымен бөлісті. Фото Getty Images сайтынан алынды. Авторы: SOPA Images[/caption] OpenAI тобының өнімі ChatGPT-дың күннен-күнге өсіп келе жатқан танымалдығы Google-дың негізгі бизнесіне қауіп төндіруі мүмкін. Компанияның бас директоры Сундар Пичаи компанияның алдағы апталар мен айларда LaMDA сияқты жасанды интеллект (ЖИ) негізіндегі үлкен тіл үлгілерін (LLM) көпшілікке қолжетімді ету жоспарларымен бөлісті. Қолданушылар жақын апталарда іздеу жүйесіне қосымша ретінде үлкен тіл үлгілерін пайдалана алатынын айтты. LLM алгоритмі де ChatGPT сияқты мәтіндік деректердің үлкен көлемінен білімге негізделген мәтінді және басқа мазмұнды тани алатын, сұрыптай алатын және өздігінен мәтін құрастыратын терең оқыту технологиясы болып табылады. Пичаидың айтуынша, қолданушылар жақын арада пайдалана алатын модельдер, әсіресе, мәтін жасау, құрастыру және қорытындылау үшін пайдалы болмақ.
«Енді біз іздеу технологиясына LLM түріндегі тәжірибені біріктіре аламыз. Менің ойымша, бұл бізге пайдаланудың жаңа түрлерін, генеративті пайдалану құралдарын кеңейтуге және қызмет көрсетуге көмектеседі. Бұл тек бастамасы, сіз біздің батыл қимылымызды, жаңа өнімдерді шығарғанымызды, кері байланыс орнатуымызды және жақсартуларды көресіз», – деп уәде берді Пичаи.
[caption id="attachment_239099" align="aligncenter" width="1225"]Рисунок7 Сундар Пичаи: «ЖИ – біз бүгін жұмыс істеп жатқан ең терең технология. Біз ЖИ саласындағы саяхатымыздың басындамыз, ең қызығы – әлі алда», – деді ол. Фото vervetimes.com сайтынан алынды[/caption] Бұл бейне конференциядан кейін көп ұзамай технологиялық алпауыт 8 ақпанда Search және ЖИ іс-шарасын өткізетінін жариялады. «Іс-шараның мақсаты – Google-дың «адамдардың ақпаратты қалай іздейтінін, зерттейтінін және өзара әрекеттесетінін, қажет нәрсені табуды бұрынғыдан да табиғи және интуитивті ету үшін ЖИ күшін қалай қолданатынын көрсету» делінген хабарламада.
«ЖИ – біз бүгін жұмыс істеп жатқан ең терең технология», – деді Пичаи бейне конференцияда. «Біздің дарынды зерттеушілеріміз, инфрақұрылымымыз және технологияларымыз бізді өте тиімді етеді, өйткені ЖИ жетілген нұсқада болады. Алты жылдан астам уақыт бұрын мен алғаш рет Google AI компаниясы туралы айтқан болатынмын. Содан бері біз ЖИ әзірлеуде көшбасшы болдық. Біз ЖИ саласындағы саяхатымыздың басындамыз, ең қызығы – әлі алда», – деді ол.
[caption id="attachment_239100" align="aligncenter" width="1224"]Рисунок8 Google жасанды интеллект технологиясымен айналысатын Anthropic AI стартапына 300 миллион доллар инвестиция құйды. Фото nytimes.com сайтынан алынды. Авторы: Dreamstime[/caption]
Google компаниясының жасанды интеллектке баса назар аударғанын көрсететін тағы бір жаңалық – компанияның Anthropic AI стартапына 300 миллион доллар инвестиция құйғаны болды. Жаңалықты алғаш рет Financial Times жариялады және Google кеше жұма күні TechCrunch-ке де инвестицияны растады. Жақында дебют жасаған Anthropic Claude жасанды интеллект моделі ChatGPT бәсекелесі деп саналады.
Жаңа қаржыландырудың арқасында Сан-Францискода орналасқан компанияның құны 5 миллиард доллар деп бағалануда. Бұл жаңалық Microsoft жақында OpenAI-ге көп миллиард доллар инвестиция салғанын жариялағаннан кейін келді. Бұл туралы Aikyn.kz бұрынғы материалында хабарлаған. Google-дің осындай мәлімдемелеріне қарамастан, инвесторлар ChatGPT-ден төнген қауіпке іздеу алпауыты қалай жауап беретінін мұқият бақылауда. Alphabet акциялары (Google қожайыны) бүгін компания төртінші тоқсандағы табысы туралы көңілсіз есеп шығарғаннан кейін төмендегенімен, компания барлық шығынын кеше түстен кейін өтеп алды.