Ақтөбеде ер адам зейнеткерді тонап кеткен
Ақтөбеде ер адам зейнеткерді тонап кеткен
Ақтөбеде 28 жастағы ер адам зейнеткерге шабуыл жасады.  Полицияның мәліметінше, 1 ақпан күні белгісіз ер адам 68 жастағы зейнеткерді итеріп жіберіп, сөмкесінің ішінен банк карталарын, құжаттар мен 50 000 теңгесін ұрлап кеткен. Жедел іс-шаралар барысында кінәсін мойындаған 28 жастағы күдікті ұсталғаны хабарланды. Ол ақшаны өз қажеттіліктеріне жұмсап үлгерген. Қылмыстық кодекстің 191-бабының 1-бөлігі «Тонау» бойынша сотқа дейінгі тергеу амалдары жүргізіліп жатыр. Күдікті уақытша ұстау изоляторына қамалды.