Талдықорған қаласында көшеде қару ұстап жүрген ер адамның кім екені анықталды, – деп хабарлайды Polisia.kz.
Бұл бала кезінен психикалық аурумен ауыратын, ресми түрде арнайы медициналық есепте тұрған 35 жастағы жергілікті тұрғын болып шықты.
Ер адам қарт әкесімен бірге тұрады. Оның қолындағы тапанша ешқандай қауіп төндірмейтін қарапайым сувенирлік оттық екені анықталды.
Тұрғылықты жері бойынша учаскелік полиция инспекторы жедел жәрдем бригадасын шақырып, ер адамды қалалық психиатриялық диспансерге орналастырды.
