Түркияда жойқын зілзаладан қаза болғандар саны 16 546-ға жетті, тағы 66 132 адам жараланған, – деп хабарлайды ҚазАқпарат. Бұл туралы Түркия президенті Режеп Тайип Ердоған Османие қаласына барған сапарында айтты. Тікелей Османие провинциясында зілзаладан 326 ғимарат қираған, 877 азамат қаза тауып, 2 220 адам жарақат алған. Президент Ердоған мемлекет апат аймағының тұрғындарын қолдау, зілзала салдарын жою үшін қолдан келгеннің бәрін жасап жатқанын айтты.
«Жүздеген мың азамат көмек жинау және апат салдарын жою процесіне қатысып жатыр. Түркияның барлық аймақтарынан 10 провинцияға командалар мен техника жіберілді», – деді ел президенті.