Оралда бес күннен бері 14 жастағы оқушы қыз іздестіріліп жатыр. БҚО полиция департаментінің баспасөз қызметінен хабарлағандай, Зарина Нығметова 10 ақпанда сағат 20:00 шамасында үйінен (Тополинская, 1) белгісіз бағытқа шығып кетіп, қайтып оралмаған.
«Қыз №34 орта мектепте оқиды. Бойы 162-165 сантиметр. Жіңішке денелі, шашы қара, беліне дейін жетеді. Үстінде ақшыл күрте, көк шалбар, қара етік болған», – делінген хабарламада.Оның қолында 8 (747) 445 32 17 нөмірлі Samsung телефоны, қара күрте мен джинсы шалбары салынған пакеті болған. Зарина Нығметованы көргендер немесе оның қайда екенін білетіндер 102 нөміріне хабарласуын сұрайды.