«АМАNАТ»: Ақмола облыстық мәслихатының депутаттығына кандидаттардың сайлауалды штабы ашылды

Көкшетауда «АМАNАТ» партиясынан Ақмола облыстық мәслихатының депутаттығына кандидаттардың сайлауалды штабының тұсаукесері өтті. Партия мүшелері үгіт-насихат жұмыстары аясында 380 мыңнан астам сайлаушыны қамтитын 18 мыңнан астам іс-шара өткізуді жоспарлап отыр. Облыстық штабқа шамамен 70-ке жуық адам кірді. Бұл — өткен сайлауға тікелей қатысқан, тәжірибесі мол белгілі партия және қоғам қайраткерлері. Ақмола облысы бойынша барлық деңгейдегі мәслихаттар депутаттығына барлығы 889 адам, оның ішінде облыстық мәслихатқа – 63, қалалық мәслихатқа – 154, аудандық мәслихаттарға  672 адам өз кандидатурасын ұсынды. Сондай-ақ Парламент Мәжілісіне облыстан 13 кандидат тіркелген. Ал партия филиалдарынан 250 кандидат сайлауға түспекші. Оның ішінде, біреуі Парламент Мәжілісіне, 16 — облыстық мәслихатқа, 41– қалалық және 192 — аудандық мәслихаттарға. Партиялық тізім бойынша Мәжіліске 3 кандидат, облыстық мәслихатқа 33 кандидат тіркелген. Сондай-ақ 728 сайлау учаскесі бойынша 2184 сенім білдірілген адамның тізімдері, сондай-ақ байқаушылардың алдын ала тізімі жасақталды. Тұсаукесерді облыстық сайлауалды штабының төрағасы Айна Мысырәлімова ашып, бүгінде жергілікті атқарушы органдармен бірлесіп, облыстық сайлауалды бағдарламасының дайындалып, партияның 2023-2027 жылдарға арналған сайлауалды бағдарламасын жүзеге асырудың Жол картасының жобалары әзірленгенін атап өтті. Мәселен, 17 ақпандағы жағдай бойынша Ақмола қоғамдық қабылдау бөлімдеріне азаматтардан 542 өтініш пен ұсыныс түскен. Өзектілігі бойынша халықты тұрғын үй-коммуналдық шаруашылығында жиі кездесетін мәселелер – 42,4%, сондай-ақ жол құрылысы мен жөндеу және олардың сапасы, ауызсумен, жылумен қамтамасыз ету, елді мекендерді абаттандыру, коммуналдық қызметтердің тарифтері де толғандырады. Әлеуметтік қамсыздандыру бойынша ұсыныстар – 25,3% құраса, қалғандары азық-түлік және тауарлар бағасының өсуі, әйелдердің зейнеткерлік жасын 58 жасқа дейін және ерлердің 60 жасқа дейін қысқарту, адамдарға берілетін жәрдемақы көлемін ұлғайту, 1, 2, 3-топтағы мүгедектер үшін жеңілдіктердің бірыңғай стандартын қамтамасыз ету мәселелерін құрап отыр», — деп бөлісті А.Мүсірәлімова. Ақмола облысында сайлау штабында 20 қоғамдық қабылдау бөлмесі жұмыс істейді. Олар Қазақстан Парламенті Мәжілісі мен мәслихат депутаттығына кандидаттарға ұсыныстарды, тілектер мен өкімдерді жинау бойынша жұмыс істейді. Еске салайық, 7 ақпанда партияның кезектен тыс XXV съезі өтіп, онда Қазақстан  Парламенті Мәжілісі мен облыстық мәслихаттың депутаттығына кандидаттардың сайлауалды бағдарламасы мен партиялық тізімі таныстырылды.

Ақмола облыстық мәслихаты депутаттарының сайлауында партиялық тізімді ұсынған "AMANAT" партиясы Сайлау қорының қаражатынан төленді