Петропавл тұрғыны көшеде қарумен жүрген
Петропавл тұрғыны көшеде қарумен жүрген
Петропавл қаласының 23 жастағы тұрғынынан пневматикалық тапаншаға ұқсас зат тәркіленді, – деп хабарлайды polisia.kz телеграм каналы.
17 ақпанда Петропавл қаласы Полиция басқармасының 102 жедел каналына Н. Назарбаев көшесіндегі «Северный» базарының жанында қолында қаруы бар күдікті ер адам келе жатқаны туралы хабарлама түседі. Бұл факт ақпаратты есепке алу кітабында тіркеледі. Полицейлер екі ер адамды ұстады. Олардың бірі, облыс орталығының 23 жастағы тұрғынынан пневматикалық тапаншаға ұқсас зат тәркіленді. Зат сараптамаға жіберілді, оның нәтижелері бойынша процестік шешім қабылданады.